Алматыда да "трамвайлық ренессанс" жоспарланған болатын. Техникалық-экономикалық негіздеме (ТЭН) материалдары бойынша, 35 аялдамасымен ұзындығы 22.9 шақырымды құрайтын алғашқы желі Алматының батысындағы жаңа және ескі ықшамаудандарды қаланың тарихи орталығымен жалғастыруы тиіс болды. Автокөлік жолдарынан толығымен оқшауланған жолдармен, көше қиылыстарында басымдықты иемдене отырып, қазіргі таңда 4 минут интервалымен 36 заманауи түбі төмен көп секциялы трамвай жүруі тиіс болатын.

Алайда, бүкіл артықшылықтарына қарамастан, Алматыдағы LRT жобасы – жобаның техникалық-экономикалық негіздемесін әзірлеу басталған және тіпті инвесторлар іздеуге дайындық болған 2000-шы жылдардан бері созылып келді. 2015 жылға қарай алғашқы LRT желісінің екі жобасы әзірленді және кейіннен олардың арасынан біреуі таңдалды. Әкімшіліктегілер 2020 жылға қарай қозғалысты ашу үшін жақында құрылыс басталады деп уәде берді.

Бүкіл мәселе МЖӘ сұлбасында инвестор таңдауға арналған конкурсқа келіп тірелді *. Конкурс бірнеше рет кейінге қалдырылды. Бірінші кезеңі 2018 жылы өтті – ол кезде кандидаттардың қысқаша тізімі анықталды, ал ақырғы шешім 2019 жылдың көктемінде қабылдануы тиіс болатын. Желіні іске қосу мерзімі, сәйкесінше, 2023 жылға қарай жылжытылды.

Бірақ конкурстың екінші кезеңі болған жоқ – қазіргі әкімнің командасы LRT жобасын өз басымдықтарының бірі ретінде есептемейтінін білдірді. Қазіргі таңда, әкім Сағынтаевтың айтуынша, бұл жоба толығымен тоқтатылуы мүмкін, ал бұл жоба – көліктік бөлігінен бастап, инвесторлар тарту үлгісіне дейін толығымен дерлік пысықталған. Осының барлығы, соның ішінде қымбат тұратын ТЭН, халықаралық кеңесшілердің қатысуымен пысықталып, сараптамадан өтті және қалалық стратегияның бір бөлігі болып табылды.